Bayram günlərində bu 4 bank işləməyəcək

20-30 mart tarixlərini əhatə edən qeyri-iş günlərində Azərbaycanda fəaliyyət göstərən bəzi banklar müştərilərə xidmət göstərməyəcək.

Valyuta.az xəbər verir ki, bu barədə məlumatı Azərbaycan Mərkəzi Bankı yayıb.

Bildirilib ki, ölkədə fəaliyyət göstərən 22 bankdan 4-ü qeyd olunan tarixlərdə işləməyəcək.

Fəaliyyətini müvəqqəti dayandıracaq banklar bunlardır:

Ziraat Bank Azərbaycan

Bank VTB Azərbaycan 

Bank BTB

İran Milli Bankının Bakı filialı    

Bayram günlərində isə digər 18 bankın ümumilikdə 280 satış nöqtəsi açıq olacaq. Onlardan 4 bank üzrə 9 satış nöqtəsi 24 saat rejimində fəaliyyət göstərəcək. Həmçinin "Azərpoçt" MMC-nin 68 şöbəsi və lisenziyalı 9 valyuta mübadiləsi məntəqəsi də müştərilərə xidmət göstərəcək.

Mərkəzi Bankdan bildirilib ki, bu qərar bayram günlərində həm ölkə vətəndaşlarının, həm də turistlərin valyuta xidmətlərinə fasiləsiz çıxışını təmin etmək məqsədi daşıyır.