Aygün Dəmirova "Baku Electronics"də şöbə müdiri təyin olundu

"Baku Electronics"də kadr dəyişikliyi həyata keçirilib.

Valyuta.az xəbər verir ki, Aygün Dəmirova şirkətin Korporativ satış şöbəsinin müdiri vəzifəsinə təyin olunub.

Belə ki, Aygün Dəmirova 2025-2026-cı illərdə "Baku Electronics"də komanda rəhbəri kimi fəaliyyət göstərib. O, 2022-2025-ci illərdə Korporativ satış şöbəsinin baş mütəxəssisi, 2019-2022-ci illərdə aparıcı mütəxəssis, 2018-2019-cu illərdə isə həmin şöbədə mütəxəssis vəzifəsində çalışıb.

Aygün Dəmirova ali təhsilini Azərbaycan Dövlət İqtisad Universitetində alıb. O, universitetin magistr pilləsini fəxri diplomla bitirib. Bakalavr təhsilini isə 2010-2014-cü illərdə biznesin idarə edilməsi ixtisası üzrə tamamlayıb.

Qeyd edək ki, A.Dəmirova ingilis və rus dillərini bilir.

Sərvanə Rəmixanova