Xaricə meşə fındığı satışı 29 milyon dollardan çox qazandırıb

Bu ilin yanvar ayında Azərbaycan xarici ölkələrə 2 min 290.63 ton miqdarında meşə fındığı satıb.

Valyuta.az xəbər verir ki, bu miqdarda məhsulun dəyəri 29 milyon 432.98 min ABŞ dolları olub.

Bu rəqəm ötən ilin eyni dövrü ilə müqayisədə miqdar ifadəsi ilə 265.85 ton (13.13%), dəyər ifadəsi ilə isə 15 milyon 387.52 min ABŞ dolları (2,1dəfə) çoxdur.  

2025-ci ilin yanvar ayında ixrac 2 min 024.78 ton, dəyəri isə 14 milyon 045.46 min ABŞ dolları olub.

Qeyd edək ki, yanvar ayında ixrac olunan meşə fındığı ümumi ixracın 1.32 faizini təşkil edib.

Mayya Hüseynova