“Assist Finance"nin dövriyyəsi 26% azalıb

2026-cı ilin yanvar ayında “Assists Finance İnvestisiya Şirkəti”nin daxili birjadakı dövriyyəsi 149 əqd üzrə 802 milyon 688 min 374 manat təşkil edib.

Valyuta.az xəbər verir ki, bu göstərici 2025-ci ilin eyni dövrü ilə müqayisədə 26% və ya 281 milyon 698 min 329 manat azdır.

Ötən ilin yanvarında şirkətin Bakı Fond Birjasındakı dövriyyəsi 399 əqd üzrə 1 milyard 84 milyon 386 min 703 manat olmuşdu.

2026-cı ilin yanvar ayı üzrə bir əqdin orta dəyəri 5 milyon 387 min 795 manat təşkil edib. Bu, əvvəlki illə müqayisədə 2 milyon 670 min manat və ya 98,3% çoxdur. Müvafiq dövrdə bu rəqəm 2 milyon 717 min 508 manat olub.

Hesabat dövründə “Assists Finance” tərəfindən səhm dövriyyəsi həyata keçirilməyib. Ümumi dövriyyənin 776 milyon 9 min manatı repo əməliyyatlarının, 459 min manatı dövlət istiqrazlarının, 53 manatı korporativ istiqrazların, 26 milyon 165 min manatı isə Mərkəzi Bankın notlarının payına düşüb.

Mayya Hüseynova