Bu sığorta üzrə yığımlar və ödənişlər artıb

2025-ci ilin yanvar-dekabr aylarında qeyri-həyat sığortası üzrə yığımlar 387 milyon 407 min manat təşkil edib.

Valyuta.az xəbər verir ki, bu göstərici 2024-cü ilin eyni dövrü ilə müqayisədə 19 milyon 918 min manat və ya 5,42% çoxdur.

Qeyd edək ki, 2024-cü ilin yanvar-dekabr aylarında bu göstərici 367 milyon 489 min manat səviyyəsində olub.

Qeyri-həyat sığortası üzrə ödənişlərdə də artım müşahidə olunub.

Belə ki, 2025-ci ildə bu növ sığorta üzrə 136 milyon 845 min manat ödəniş həyata keçirilib ki, bu da əvvəlki illə müqayisədə 1 milyon 300 min manat və ya 0,95% çoxdur.

Müvafiq olaraq, 2024-cü ilin yanvar-dekabr aylarında qeyri-həyat sığortası üzrə ödənişlər 135 milyon 545 min manat təşkil edib.

Tənzilə Ağabalayeva