"Aqrar Sığorta"nın ödəniş əmsalı 37,67 manatdan 2,68 manata enib

"Aqrar Sığorta" ASC-nin sığorta yığımları cari ilin ilk 5 ayında 2 milyon 364 min manat və ya 21,45% artaraq 13 milyon 383 min manat təşkil edib. 

Valyuta.az xəbər verir ki, sözügedən sığorta şirkətinin ötən ilin eyni dövründə yığımları 11 milyon 19 min manat idi. 

"Aqrar Sığorta" ASC-nin ödənişləri isə illik müqayisədə 3 milyon 792 min manat və ya 91,35% azalaraq 359 min manat təşkil edib. 

Xatırladaq ki, 2025-ci ilin müvafiq dövründə adıçəkilən sığorta şirkəti müştərilərinə 4 milyon 151 min manat ödəniş edib. 

Sığorta şirkəti 2026-cı ilin ilk 5 ayında hər 100 manatın 2,68 manat ödəniş üçün ayırıb. Ötən ilin eyni dövründə isə bu göstərici 37,67 manat idi. Bu da illik  müqayisədə 34,99 manat azalma deməkdir. 

Sərvanə Rəmixanova