"Azərsun Holdinq"in gəlirləri 1,87 milyard manatı ötüb

"Azərsun Holdinq" və onun törəmə müəssisələri 2025-ci il üzrə konsolidə edilmiş maliyyə hesabatını açıqlayıb.

Valyuta.az xəbər verir ki, holdinqin gəlirləri ötən il 213,4 milyon manat və ya 12,85% artaraq 1 milyard 874,7 milyon manata çatıb.

Gəlirlərin artması fonunda satışların maya dəyəri də 179,4 milyon manat və ya 14,78% yüksələrək 1 milyard 393,3 milyon manat təşkil edib. Nəticədə şirkətin məcmu mənfəəti 34 milyon manat və ya 7,59% artaraq 481,4 milyon manata yüksəlib.

Hesabat dövründə holdinq 54,95 milyon manat xalis mənfəət əldə edib. Bu göstərici əvvəlki illə müqayisədə 11,1 milyon manat və ya 25,39% artıb. Ana Şirkətin təsisçilərinə aid mənfəət isə 16,8 milyon manat və ya 32,69% artaraq 68,22 milyon manata çatıb.

Eyni zamanda, il üzrə cəmi məcmu gəlir 11,77 milyon manat və ya 26,76% artaraq 55,74 milyon manat təşkil edib. Ana Şirkətin təsisçilərinə aid cəmi məcmu gəlir isə 17,45 milyon manat və ya 33,84% artaraq 69,01 milyon manata yüksəlib.

Mayya Hüseynova