Xalis daxili aktivlər 2,8 milyard manat artıb

Azərbaycan Mərkəzi Bankının hesabatına əsasən, 2026-cı il mayın 31-nə xalis xarici aktivlər 30 mlrd. 088,6 mln. manat təşkil edib.

Valyuta.az xəbər verir ki, bu göstərici ötən ilin eyni dövrü ilə müqayisədə 297,4 mln. manat və ya 1,0% artıb.

2025-ci il mayın 31-nə xalis xarici aktivlər 29 mlrd. 791,2 mln. manat təşkil edib.

Hesabat dövründə xalis daxili aktivlər də yüksəlib. Belə ki, 2026-cı il mayın 31-nə xalis daxili aktivlər 21 mlrd. 411,9 mln. manat olub.

Halbuki, bu göstərici 2025-ci il mayın 31-nə 18 mlrd. 514,9 mln. manat təşkil edirdi. Nəticədə xalis daxili aktivlər illik müqayisədə 2 mlrd. 897,0 mln. manat və ya 15,6% artıb.

Mayya Hüseynova