8,5 milyardlıq startap əməkdaşlarına səhmlərini satmağa icazə verdi

Böyük Britaniyada fəaliyyət göstərən süni intellekt əsaslı avtonom idarəetmə startapı "Wayve" əməkdaşlarına sahib olduqları səhmlərin bir hissəsini satmaq imkanı yaradıb.

Valyuta.az xəbər verir ki, şirkət 85 milyon dollarlıq tender təklifi irəli sürüb. Bu mexanizm əməkdaşlara hüquqi olaraq onlara məxsus səhmləri mövcud və yeni investorlara satmağa imkan verir. Tender "Wayve"in hazırkı 8,5 milyard dollarlıq qiymətləndirilməsi əsasında həyata keçirilir.

Bu qiymətləndirmə cari ilin fevralında "Wayve"in 1,2 milyard dollarlıq "Series D" investisiya raundunu uğurla başa vurmasından sonra formalaşıb. Maliyyələşdirmə raunduna isə "Eclipse", "Balderton" və "SoftBank Vision Fund 2" rəhbərlik edib. Raundda həmçinin "Microsoft", "Nvidia", "Uber", "Ontario Teachers Pension Plan" və "Baillie Gifford" kimi investorlar da iştirak ediblər.

Qeyd olunur ki, bu, "Wayve"in əməkdaşları üçün təşkil etdiyi ikinci likvidlik proqramıdır. Şirkət daha əvvəl 2024-cü ilin mayında baş tutan 1,05 milyard dollarlıq "Series C" investisiya raundu zamanı da oxşar tender keçirib. 

Mütəxəssislərin fikrincə, bu cür tenderlər süni intellekt startapları arasında getdikcə daha geniş yayılır. Şirkətlər IPO və ya satış prosesini illərlə gözləmək əvəzinə, əməkdaşlara səhmlərini satmaq imkanı yaradaraq onların şirkətdə qalmasını təşviq edirlər. Bu yanaşma istedadlı kadrların rəqib şirkətlərə keçməsinin və ya öz bizneslərini qurmasının qarşısını almağa xidmət edir.

Son dövrlərdə "Decagon", "ElevenLabs", "Linear" və "Clay" kimi sürətlə böyüyən startaplar da oxşar tender proqramları həyata keçiriblər. İnvestorların bu şirkətlərin səhmlərinə yüksək maraq göstərməsi və gələcəkdə daha da dəyər qazanacaqlarına inanması bu cür əməliyyatların sayını artırır.

"Wayve" avtonom idarəetmə sahəsində fərqli yanaşma tətbiq edir. Şirkətin hazırladığı süni intellekt sistemi ənənəvi yüksək dəqiqlikli xəritələrdən istifadə etmir. Bunun əvəzinə, proqram təminatı topladığı məlumatlar əsasında özünü öyrədən neyron şəbəkəsi vasitəsilə avtomobili idarə etməyi öyrənir.

"Ümumi təyinatlı" süni intellekt sürücüsü yaratmağı hədəfləyən Wayve son bir ildə işçi sayını iki dəfədən çox artıraraq 1 200 nəfərə çatdırıb.

Şirkət cari ilin sonuna qədər "Uber" ilə əməkdaşlıq çərçivəsində robotaksi pilot layihələrinə başlamağı planlaşdırır. Bundan əlavə, "Wayve"in süni intellekt proqram təminatının 2027-ci ildən etibarən "Nissan"ın yeni nəsil sürücüyə yardım sistemlərinə

Sərvanə Rəmixanova