“Anthropic” ABŞ Müdafiə Nazirliyini məhkəməyə verib

Süni intellekt şirkəti “Anthropic” ABŞ Müdafiə Nazirliyinə qarşı Kaliforniya və Vaşinqtonda iki ayrı məhkəmə iddiası qaldırıb.

Valyuta.az xəbər verir ki, şirkət onu “təchizat zənciri riski” kimi qiymətləndirmə qərarına etiraz edir.

Müdafiə Nazirliyi “Anthropic”in süni intellekt texnologiyasının kütləvi müşahidə və tam avtonom silah sistemlərində istifadəsinə icazə verməməsini əsas gətirərək belə qərar qəbul edib. Şirkət isə bu addımın ifadə azadlığı və konstitusion hüquqlarını pozduğunu bildirir.

“Anthropic” məhkəmədən qərarın dərhal dayandırılmasını və sonradan tam ləğv edilməsini tələb edir. Bununla yanaşı, “Microsoft” da daxil olmaqla bəzi şirkətlər “Anthropic” ilə əməkdaşlığı davam etdirəcəklərini açıqlayıblar.

Sərvanə Rəmixanova