Aktivləri artan “Rabitəbank” hansı gəlir gətirən vəsaitlərini böyüdüb?

2026-cı ilin birinci rübünün yekunlarına görə “Rabitəbank”ın aktivlərində artım qeydə alınıb. Bankın ümumi aktivləri illik müqayisədə 196 milyon 872 min manat artaraq 1 milyard 395 milyon 269 min manata çatıb.

Valyuta.az xəbər verir ki, artım əsasən gəlir gətirən aktivlərin, xüsusilə kredit portfeli və maliyyə institutlarındakı yerləşdirmələrin böyüməsi hesabına formalaşıb.

Belə ki, müştərilərə verilmiş xalis kreditlərin həcmi ötən ilin eyni dövrü ilə müqayisədə 70 milyon 304 min manat artaraq 944 milyon 275 min manat təşkil edib.

Kredit portfelində ən böyük pay biznes kreditlərinin olub. Bu kateqoriya üzrə göstərici illik müqayisədə 14 milyon 354 min manat artaraq 417 milyon 583 min manata yüksəlib. İstehlak kreditləri isə 340 milyon 545 min manata çatıb.

“Rabitəbank”ın banklar və digər maliyyə institutlarındakı depozitləri də kəskin artıb. Sözügedən göstərici bir il əvvəlki 8 milyon 287 min manatdan 62 milyon 51 min manata yüksəlib.

Ticarət və investisiya qiymətli kağızlarına yatırımlar da artım nümayiş etdirib. Bankın bu istiqamətdə aktivləri 133 milyon 749 min manat olub. Bununla yanaşı, digər maliyyə institutlarına verilən kreditlərin həcmi də artaraq 84 milyon 544 min manata çatıb.

Hesabat dövründə nağd pul vəsaitləri və digər aktivlərdə isə azalma qeydə alınıb.

Mayya Hüseynova