AZCON Holding və “Amazon Web Services” əməkdaşlığı genişləndirir

AZCON Holding və “Amazon Web Services” (AWS) Azərbaycanda “bulud” texnologiyalarının, süni intellekt həllərinin və rəqəmsal transformasiya imkanlarının inkişafına yönəlmiş strateji əməkdaşlıqlığın yeni mərhələsinə başlayıb.

Valyuta.Az məlumat verir ki, əməkdaşlıq 2026-cı ilin fevral ayında tərəflər arasında imzalanmış müqavilə əsasında davam etdirilir. 

Bu əməkdaşlıq qabaqcıl “bulud” texnologiyalarını yerli müəssisələr və dövlət qurumları üçün daha əlçatan edəcək. 

Əməkdaşlığın istiqamətlərindən biri də müasir hibrid arxitekturanın tətbiqidir. Bu yanaşma lokal məlumat mərkəzlərinin “AWS”in “bulud” resursları ilə fasiləsiz, təhlükəsiz və normativ tələblərə uyğun inteqrasiyasını təmin edəcək. 

Birgə fəaliyyətin digər vacib istiqaməti süni intellekt, məlumat analitikası, sənaye həlləri və telekommunikasiya sistemlərinin inkişaf etdirilməsidir. Bununla yanaşı, əməkdaşlıq ölkədə “bulud” texnologiyaları üzrə bilik və bacarıqların inkişafına, eləcə də müasir texnoloji həllərin daha geniş tətbiqinə xidmət edəcək.