Amazon süni intellect xərcləri səbəbindən minlərlə işçini yenidən işə götürdü

Süni intellektin (AI) bir çox işi tamamilə əvəz edəcəyi ilə bağlı müzakirələr davam etsə də, Amazon-da yaşanan son proses bunun hər sahədə mümkün olmadığını göstərib.

Şirkət son dövrlərdə təxminən 30 min əməkdaşını ixtisar etdikdən sonra süni intellekt sistemlərinin tətbiqi, idarə olunması və saxlanılmasının gözlənildiyindən daha yüksək xərc tələb etdiyi məlum olub. Bundan əlavə, bəzi proseslərdə insan əməyinin tam əvəzlənməsi gözlənilən nəticəni verməyib.

Nəticədə Amazon təxminən 11 min nəfəri yenidən işə götürmək qərarına gəlib. Bu addım göstərir ki, süni intellekt bir çox sahədə məhsuldarlığı artırsa da, hazırkı mərhələdə insan resurslarını tam əvəz etmək əvəzinə onları tamamlayan texnologiya kimi daha səmərəli fəaliyyət göstərir.

Mütəxəssislərin fikrincə, yaxın illərdə şirkətlər üçün əsas məqsəd insan və süni intellekt əməkdaşlığını balanslaşdırmaq olacaq.