2026-cı ildə sosial mediadan pul qazanmağın 3 yolu

Sosial media internetdə pul qazanmaq üçün güclü vasitədir. “Canva”nın araşdırmalarına görə, ABŞ-dakı peşəkarların 44%-i yaradıcılıq, sosial media və süni intellekti birləşdirən yan bizneslərdən gəlir əldə edir. Bunun səbəbini anlamaq da çətin deyil: sosial media hər gün 5,66 milyard istifadəçiyə dünyanın hər yerində yeni insanlarla əlaqə yaratmaq və çatmaq imkanı verir.

Əgər 2026-cı ildə paralel biznesə başlamağı düşünürsünüzsə, sosial mediaya əsaslanan, tələb görən və ya sürətlə böyüyən əlavə işləri nəzərdən keçirə bilərsiniz. Budur üç seçim:

1. İstifadəçinin məzmun yaratması

Məzmun yaradıcısı markalarla əməkdaşlıq edərək onların məhsul və ya xidmətlərini tanıdan xüsusi sosial media məzmunu hazırlayır. Bu adətən “Instagram Reels” və ya “TikTok” videoları kimi qısa videolar olur.
Bu sahə sürətlə böyüyür. “Global Growth Insights” bildirir ki, istifadəçilərin yaratdığı content bazarı 2026-cı ildə 12 milyard dolları, 2027-ci ildə isə 15 milyard dolları aşacaq. Eyni zamanda, istehlakçıların 78%-i istifadəçi məzmununu ənənəvi reklamlardan üstün tutur və markaların 62%-i bu cür məzmundan daha yüksək qarşılıqlı əlaqə aldığını qeyd edir.
“İstifadəçi məzmunu” biznesinə başlamaq üçün böyük izləyici kütləsinə sahib olmaq lazım deyil. Bəzi markalar bildirir ki, xüsusi nişlərdə daha kiçik yaradıcılarla işləmək daha yüksək qarşılıqlı əlaqə təmin edir və bu da onları müştərilər üçün cazibədar edir.

2. Canlı sosial satış aparıcısı

Sosial mediada canlı yayımlarla məhsul satmaq maraqlıdırsa, canlı sosial satış sizin üçün ideal yan biznes ola bilər. Canlı satış aparıcısı olaraq “Instagram Live”, “TikTok Shop” kimi platformalarda canlı yayımlarda markanın məhsullarını satır, izləyicilərin suallarını real vaxtda cavablandırır və komissiya qazanırsınız. 
Qlobal canlı ticarət bazarının 2030-cu ilə qədər 3,48 milyard dollar olacağı və 2024-2030 illəri arasında illik 21,2% artım göstərəcəyi proqnozlaşdırılır. Bu isə sosial mediada gəlirli bir yan iş olaraq baxmağa dəyər.

3. Qısa videoların redaktoru

Sosial mediada qısa videoların populyarlığı artdıqca, qısa video redaktoru kimi xidmət göstərmək də bir əlavə biznes imkanıdır. Hər kəs video redaktoru olmaq istəmir və ya bacarmır; bir çox iş sahibi isə cəlbedici videolar yaratmaq üçün vaxt və bacarıq tapa bilmir.

Beləliklə, siz bizneslər, podkastlar, yaradıcılar və ya agentliklərlə əməkdaşlıq edib onların “TikTok”, “Instagram Reels” və “YouTube Shorts” videolarını redaktə edə bilərsiniz.
Sosial media hədəfli yan biznesçilər üçün geniş imkanlar təqdim edir. Tələb olunan və ya böyümək potensialı olan sosial media yan işini seçərək gəlir imkanınızı artıra bilərsiniz.

Şəbnəm İbrahimxəlilova