"OpenAI" "Convogo"nun komandasını satın alır

"OpenAI" süni intellekt əsaslı kouçinq platforması "Convogo"nun komandasını öz strukturuna qatır.

Valyuta.az xəbər verir ki, razılaşmaya əsasən, "Convogo"nun həmtəsisçiləri Matt Cooper, Evan Cater və Mike Gillett "OpenAI"a qoşulacaq, platformanın məhsulu isə dayandırılacaq.

Şirkət "Convogo"nun texnologiyasını və ya fikri mülkiyyətini satın almır, məqsəd komandanın "OpenAI"ın süni intellekt və bulud layihələrində çalışmasıdır. Mənbələrə görə, sövdələşmə tamamilə səhmlərlə həyata keçirilib.

Qeyd edək ki, bu razılaşma "OpenAI"ın son bir il ərzində reallaşdırdığı doqquzuncu satınalmadır və şirkət bu strategiya ilə əsasən komanda gücləndirməyə üstünlük verir.

Sərvanə Rəmixanova