İlham Mirzəliyev vəzifəsindən uzaqlaşdırılır

"Azəristiliktəchizat" Açıq Səhimdar Cəmiyyətinin (ASC) sədr əvəzi yaxın vaxtlarda vəzifəsindən azad ediləcək.

Qaynarinfo-nun etibarlı mənbədən əldə etdiyi məlumata görə, 2005-ci ildə yaradılan "Azəristiliktəchizat" ASC-nin yeni formatda fəaliyyəti ilə bağlı iş aparılır. 

Artıq ASC-nin yenidən formalaşdırılması ilə bağlı aiddiyatı qurumlara müraciət edilib. Bir neçə qurumun da bura birləşdiriləcəyi istisna olunmur. 

Yenidən formalaşdırılacaq qurumda 07.02.2022-ci ildən "Azəristiliktəchizat"da sədr əvəzi olan Mirzəliyev İlham Ata oğlu yer almayacaq.

Bir neçə aya 65 yaşı tamam olacaq İlham Mirzəliyev son yaş həddi ilə əlaqədar təqaüdə göndəriləcək. 

Qeyd edək ki, İlham Mirzəliyev həmçinin 2005-ci ildən "Azəristiliktəchizat" ASC-nin sədr müavini vəzifəsini tutur.