Xarici ticarət balansında profisit 30 %-dən çox azalıb

Redaktor

22.03.2025 13:02
267

Xarici ticarət balansında profisit 30 %-dən çox azalıb

2024-cü il üzrə dünyanın 180 ölkəsi ilə ticarət əlaqələri olan Azərbaycanın xarici ticarət dövriyyəsi 43.2 mlrd. dollar təşkil edib. 

Valyuta.Az Məkərzi Banka istinadən xəbər verir ki, bunun 25 mlrd. 992 mln. dolları ixracın, 17 mlrd. 167.1 mln. dolları idxalın payına düşüb. 

Qeyd edək ki, 2023-cü ildə Azərbaycanın xarici ticarət dövriyyəsi 45 mlrd. 598.6 mln. dollar idi. Bunun da 29 mlrd. 202.1 mln. dollarını ixrac, 16 mlrd. 396.5 mln. dollarını isə idxal təşkil edib. 

Beləliklə də, 2023-cü ilə nisbətən ixracda 11 % azalma, idxalda isə 4.7 % artım qeydə alınıb. 

Bundan əlavə 2024-cü ildə öncəki ilə nisbətən neft-qaz sektoru üzrə ixracda 12.3 %, idxalda isə 13.3 % azalma qeydə alınıb. Qeyri-neft-qaz sektoru üzrə isə, ixracda 0.8 % azalma, idxalda isə 8.5 % artım qeydə alınıb. 

Xarici ticarət balansında profisitdə isə 31.1 % azalma qeydə alınıb. Belə ki, 2023-cü ildə 12 mlrd. 805.6 mln. dollar profisit qeydə alınmışdısa 2024-cü ildə bu rəqəm 8 mlrd. 824.9 mln. dollara düşüb. 

Rəhim

Paylaş

Şərhlər

Növbəti xəbər yüklənir...

Xəbər lenti

Bütün xəbərlər

Məzənnə

Yüklənir...