"YouTube" 2026-cı il üçün planlarını açıqladı

"YouTube"un baş icraçı direktoru Neal Mohan 2026-cı il üçün platformanın əsas yeniliklərini elan edib.

Valyuta.az xəbər verir ki, YouTube yaradıcılar üçün süni intellekt əsaslı kontent alətləri təqdim edəcək. Bu alətlər Shorts üçün AI ilə video yaradılması, mətn sorğusundan oyun hazırlanması və musiqi istehsalı imkanlarını əhatə edəcək.

Platforma eyni zamanda tətbiqdaxili alış funksiyasını genişləndirəcək. İzləyicilər məhsulları YouTube-dan çıxmadan ala biləcəklər. Hazırda 500 mindən çox yaradıcı YouTube Shopping proqramında iştirak edir.

Bundan əlavə, Shorts lentində şəkil paylaşımları aktivləşdiriləcək. Qeyd olunur ki, Shorts gündəlik orta hesabla 200 milyard baxış toplayır.

YouTube həmçinin uşaqlar və yeniyetmələr üçün valideyn nəzarəti alətlərini gücləndirdiyini açıqlayıb.