Ekspert: 2026 pul qazanmaq deyil, puluna sahib çıxmaq ilidir

“Heç nə əbədi deyil, bir gün bu müharibə də bitəcək. Lakin başqa müharibələr başlayacaq! Neft və silah lobbiləri qazanmaya davam edəcək.

ABŞ və İsrail İranın iqtisadiyyatını ciddi şəkildə çökdürə bilər. Bu yay İranı qida və su böhranı gözləyir. İranı dəstəkləmək istəyənlər və ya dəstəkləyənlər üçün ABŞ vergi və embarqo təhdidi irəli sürür.

Valyuta.az xəbər verir ki, neft qiymətlərinin 200 dollara qədər yüksəlməsi gözlənilir, lakin müharibədən sonra sərt şəkildə əvvəlki səviyyəsi olan 60-70 dollar bandına geriləyə bilər. Mərkəzi banklar faiz siyasətində dəyişiklik edə bilər: yəni faiz endirimləri yerini faiz artımlarına buraxacaq.

Mərkəzi banklar və IMF qlobal inflyasiya, cari defisit və borclanma gözləntilərini yuxarı yönlü yenidən nəzərdən keçirə və yeni iqtisadi böhran barədə xəbərdarlıq edə bilərlər.

2030-cu ildə planlaşdırılan qlobal inflyasiyanın 2027-də reallaşa biləcəyi bildirilir. 

Türkiyəli bazar üzrə ekspert İslam Memiş artan geosiyasi gərginliyin qlobal iqtisadiyyata təsirlərini və qızıl və gümüş bazarındakı mümkün inkişafları qiymətləndirib. O, "Hürriyet" qəzetində yayımlanan yazısında bunları qeyd edib:

"Böyük bir inflyasiya dalğasına hazır olmaq! Bu gün gördüyünüz hər şey sabah daha ucuz ola bilər. Qızıl və gümüş qiymətləri bu il birja kimi olacaq. Qızıl və gümüş investorlarnın taleyini kripto pul investorlari kimi formalaşdıracaqlar.

Unsiya qızıl 5 min dollar səviyyəsinin üzərində qalmağa çalışsa da, bu il 6 min dolları görmədən rahatlamaz. Buna görə də müharibənin davam etdiyi müddətdə qızıl qiymətinin hər geriləməsi mənim üçün bir fürsətdir. 6 min dollar səviyyəsindən ayrılmaq daha məntiqlidir.

Gümüş isə qızala nisbətən daha çox dəyər itirir. Yanvarda onun "şarı" partladıldı. Gümüş illik gəlirini 122 dollar/unsiya ilə yanvarda verirdi. Bu il yenidən yüksələndə bazardan çıxmaq lazımdır. Yuxarıda 99-109 dollar müqavimət səviyyələri var. Unsiya gümüşün bu il yenidən üç rəqəmli qiymət görüb-görməyəcəyi şübhəlidir və görsə belə, davamlı olmaya bilər. Qızıl və gümüş arasında seçim sualına cavab olaraq, bu gün üçün mən qızıl tərəfdəyəm: gümüşə xərcləyəcəyim pulla qızıl alardım. Qızıl/gümüş nisbəti 61 səviyyəsindədir, yenidən 80 və üzərinə çıxdıqda maraqlana bilərəm, amma hələlik 50 dollar üzəri mənim üçün bahadır..

Al-sat deyil, al-yat dövründəyik. 2026 maliyyə bazarlarında pul qazanmaq deyil, puluna sahib çıxmaq ilidir".

Paşa Məmmədli