Ultra varlılara məxsus 6 lüks avtomobil

Ən bahalı avtomobillərin siyahısı dərc olunub. 318,000 dollarlıq "McLaren 750S" modelindən 4.6 milyon dollarlıq "Bugatti Tourbillon"a qədər uzanan bu siyahı adi avtomobil həvəskarları üçün xəyal kimi görünsə də, multimilyonçular və milyarderlər üçün bu sadəcə növbəti avtomobil kataloqudur.

Avtomobil seçimində ultra varlılar nadir, məhdud sayda istehsal olunan və tamamilə unikal sifarişlə hazırlanmış modellərə üstünlük verirlər. Budur, ən varlı şəxslərə məxsus ən qeyri-adi avtomobillərdən bəziləri:

Lari ellisonun "McLaren F1" modeli

Dəyəri: 23 milyon dollar
1992-ci ildə istehsal olunan bu model superavtomobillərin gələcəyinə yol açıb. Britaniyalı aktyor Rovan Atkinson, modelyer Ralf Loren və musiqiçi Erik Klepton kimi məşhurların da sahib olduğu bu avtomobil olduqca məşhurdur. Lari Ellison isə “Şassi nömrə 62”nin ilk dörd sahibindən biri olub və bu avtomobil 2025-ci ildə Monterrey Avtomobil Həftəsində 23 milyon dollara hərraca çıxarılıb.

Kristiano ronaldo "Bugatti Centodieci" modeli

Dəyəri: 9 milyon dollar
Kriştiano Ronaldo dünyada cəmi 10 ədəd istehsal olunan bu eksklüziv hiperavtomobilin sahibidir. 8.0 litrlik W16 dörd turbomühərrikə malik bu avtomobil 1,600 at gücü hasil edir, 0-dan 100 km/s sürətə 2.4 saniyəyə çatır və maksimal sürəti 380 km/s təşkil edir.

Bruney sultanının "Rolls Royce Silver Spur II" modeli

Dəyəri: 14 milyon dollar
Sultan Hassanal Bolkiaxın 5 milyard dollardan çox dəyərə malik 7,000 avtomobili var. Onun kolleksiyasına prototiplər, xüsusi sifarişlə hazırlanan modellər və nadir avtomobillər daxildir. Bu kolleksiyadakı ən diqqətçəkən avtomobillərdən biri 24 karat qızıl örtüklü "Silver Spur II" modelidir. Bu avtomobil sultanın toy mərasimi üçün hazırlanıb və xüsusi oturacaq bölməsi kimi unikal xüsusiyyətlərə malikdir.

Cey lenonun "Duesenberg Walker Coupe" modeli

Dəyəri: 20 milyon dollar
Komediya ustası Cey Leno dünyanın ən məşhur avtomobil kolleksiyaçılarından biridir. Onun qarajında "Bugatti", "Lamborghini" və "McLaren" kimi markalara aid nadir avtomobillər var. 1934-cü ilə aid "Duesenberg Walker Coupe" modeli isə dünyada yeganədir və lüksün simvolu hesab olunur.

Horasio paqaninin "Zonda HP Barchetta" modeli

Dəyəri: 17 milyon dollar
Cəmi üç ədəd istehsal olunan "Zonda" modelindən biri istehsalçının özü — Horasio Paqani tərəfindən saxlanılıb. Bu avtomobil 7.3 litrlik V12 mühərrikə malikdir və təxminən 790 at gücü hasil edir. Damı olmayan dizaynı və karbon lifli xüsusi materialları ilə seçilir.

İlon maskın "Lotus Esprit" modeli

Dəyəri: 1 milyon dollar
Bu avtomobil klassik lüks zirvəsi sayılmasa da, özünəməxsus dəyərə malikdir. İlon Mask 1977-ci il "James Bond" filmi “The Spy Who Loved Me”də istifadə olunan bu məşhur avtomobili 2013-cü ildə alıb. O, avtomobili elektrik mühərriki ilə yeniləməyi planlaşdırsa da, hazırda o, daha çox kino rekviziti kimi qalır.

Tənzilə Ağabalayeva