Azərbaycana 70 min ədəd smartfon gətirilib - Ölkələr/Qiymətlər

2026-cı ilin yanvar ayında Azərbaycana 69 min 507 ədəd smartfon idxal olunub.

Valyuta.az xəbər verir ki, idxalın ümumi dəyəri 34 milyon 856,76 min ABŞ dolları təşkil edib.

Məlumata görə, smartfon idxalı əsasən Çin, Hindistan və Vyetnamdan həyata keçirilib.

Belə ki, Çindən 47 min 532 ədəd smartfon gətirilib və onların ümumi dəyəri 26 milyon 591,75 min dollar olub. Bir ədəd smartfonun orta qiyməti 559 ABŞ dolları, təxminən 951 manat təşkil edib.

Hindistandan idxal olunan 1 225 ədəd smartfonun ümumi dəyəri 791,88 min dollar olub. Bu ölkədən gətirilən cihazların orta qiyməti 646 ABŞ dolları və ya 1098 manat ilə ən yüksək göstərici olub.

Vyetnamdan isə 20 min 750 ədəd smartfon idxal edilib. Bu idxalın dəyəri 7 milyon 473,13 min dollar təşkil edib. Bir ədəd smartfonun orta qiyməti isə 360 ABŞ dolları və ya 612 manat olub.

Beləliklə, yanvar ayında Azərbaycana idxal olunan smartfonlar arasında ən bahalı cihazlar Hindistandan, ən ucuzları isə Vyetnamdan gətirilib.

Sərvanə Rəmixanova