1945-ci ilə aid fransız şərabı rekord qiymətə satılıb

1945-ci ilə aid nadir fransız şərabı hərracda rekord qiymətə satılaraq yeni tarixi göstərici müəyyən edib.

Valyuta.az xəbər verir ki, "Acker Wines" tərəfindən keçirilən hərracda “Domaine de la Romanée-Conti” markalı şərab şüşəsi 812 500 ABŞ dollarına alıcı tapıb.

Məlumata görə, bu şərabdan cəmi təxminən 600 ədəd istehsal olunub və kolleksiyaçılar arasında ən arzuolunan nümunələrdən biri hesab olunur. Qeyd edək ki, əvvəlki rekord da eyni markaya məxsus olub - 2018-ci ildə həmin şərab 558 min dollara satılmışdı. Beləliklə, yeni satış əvvəlki rekorddan təxminən 50% yüksək nəticə göstərib.

Qeyd edək ki, Fransanın Burqundiya bölgəsində yerləşən “Domaine de la Romanée-Conti” dünyanın ən bahalı və prestijli şərab istehsalçılarından biri hesab olunur.

Sərvanə Rəmixanova