Azərbaycanda yanacaq istehsalı azalıb - dizeldə düşüş daha kəskindir

2026-cı ilin ilk iki ayında Azərbaycanda yanacaq istehsalında azalma tendensiyası müşahidə olunub.

Valyuta.az xəbər verir ki, hesabat dövründə ölkədə 233,6 min ton avtomobil benzini istehsal edilib. Qazoylların (dizel yanacağı) istehsalı isə 383,2 min ton təşkil edib.

Müqayisə üçün qeyd edək ki, ötən ilin eyni dövründə avtomobil benzini istehsalı 257,1 min ton, dizel yanacağı istehsalı isə 457,3 min ton olub.

Hesablamalara görə, avtomobil benzini istehsalı illik müqayisədə 23,5 min ton və ya 9,14% azalıb. Dizel yanacağı istehsalında isə azalma daha yüksək - 74,1 min ton və ya 16,2% olub.

Sərvanə Rəmixanova