Ucuz SSD dövrü bitdi: 2026-cı ilin kvotası artıq satılıb

NAND yaddaşının ən böyük istehsalçılarından biri olan "Kioxia" şirkəti bildirib ki, 2026-cı il üçün istehsal gücü artıq tam satılıb, süni intellekt (AI) bumuna görə bazarda yüksək qiymətlər dövrü başlayıb.

Valyuta.az-ın məlumatına görə, "Digital Daily" ilə müsahibəsində "Kioxia"nın icraçı direktoru qeyd edib ki, qiymətlər illik ifadədə 30%-dən çox artıb və qıtlıq tendensiyası ən azı 2027-ci ilə qədər davam edəcək: "1 TB-lıq ucuz SSD-lərin 40-50 dollar qiymətinə dövrü bitib".

Bu birbaşa istehlakçı qiymətlərinə də təsir edib. Ekspertlər diqqət çəkirlər ki, SSD-lərin qiymətləri demək olar ki, iki dəfə artıb. Məsələn, 1 TB-lıq M.2 NVMe "Crucial P310" yaddaş sürücüsünü indi 106 dollara almaq olar, halbuki 2025-ci ilin payızında qiymət 59 dollar idi.

Əsas səbəb "Kioxia" və digər istehsalçılarda qıtlıq süni intellekt üçün neyron şəbəkə məlumat mərkəzlərində istifadə olunan flaş yaddaşına olan partlayıcı tələbatdır. Süni intellektlə işləyən şirkətlər böyük həcmdə NAND yaddaş alır, adi istehlakçılar üçün komponentlər azalır.

Bu arada, 8 TB-lıq SSD-lərin qiyməti elə yüksəlib ki, qram başına qiymət təmiz qızıldan da baha olub. 4 TB-lıq SSD-lərdə vəziyyət bir qədər yaxşıdır, lakin onlar da sürətlə bahalaşır və mağaza rəflərindən yoxa çıxır.

Paşa Məmmədli