"Uber" bu çatdırılma portfelini satın alır

"Uber" Türkiyədə fəaliyyət göstərən "Getir"in qida, market, pərakəndə və su çatdırılmasını əhatə edən portfelini satın almaq üçün "Mubadala Investment Company" ilə razılıq əldə edib.

Valyuta.az xəbər verir ki, razılaşmadan sonra "Trendyol Go" da "Uber" ekosisteminə daxil olacaq.

Bildirilib ki, "Getir" istifadəçiləri "Getir Super App" üzərindən xidmətlərə davam edəcək, eyni zamanda "Trendyol Go" restoranlarına çıxış genişlənəcək. 

"Trendyol Go" müştəriləri isə tətbiq üzərindən "Getir"in market məhsullarına birbaşa çatım əldə edəcək.

"Uber"in "CEO"su Dara Khosrowshahi Türkiyəyə uzunmüddətli investisiya öhdəliyini vurğulayıb. "Getir"in CEO-su Batuhan Gültakan isə bu razılaşmanı "Getir" üçün mühüm dönüş nöqtəsi adlandırıb.

Sərvanə Rəmixanova