"Tesla"nın avtopilot sistemi yalnız abunəlik əsasında əlçatan olacaq

Cari ilin fevral ayından etibarən "Tesla" şirkətinin "Full Self-Driving" (FSD) avtopilot sistemi yalnız abunəlik əsasında əlçatan olacaq.

Bu barədə şirkət rəhbəri, amerikalı sahibkar İlon Mask "X" sosial şəbəkə hesabında məlumat verib.

Mask qeyd edib ki, "Tesla" fevralın 14-dən sonra FSD-nin satışını dayandıracaq. Bundan sonra FSD yalnız aylıq abunəlik vasitəsilə əlçatan olacaq.

Şirkətin məlumatına görə, hazırda sistemi 8 min dollara almaq və ya 99 dollara aylıq abunəlik rəsmiləşdirmək mümkündür. Lakin Mask yeni abunəliyin qiymətinin nə qədər olacağını dəqiqləşdirməyib.

Avtopilot sistemi yolda manevrlər etmək, naviqasiya və müstəqil parkinq funksiyalarını yerinə yetirmək üçün nəzərdə tutulub