TƏBİB-in tabeliyindəki Mərkəz növbəti dəfə eyni şirkətə sifariş verdi - Bu dəfə 6.7 mln. AZN

“İnnovasiya və Təchizat Mərkəzi” PHŞ-nin elan etdiyi tender yekunlaşıb. 

Valyuta.Az xəbər verir ki, qurumun yekunlaşan tenderi "dağınıq skleroz xəstəliyinin müalicəsi, profilaktikası və onunla mübarizə tədbirlərinə dair xərclər çərçivəsində dərman vasitələri”nin satın alınması ilə bağlı olub.

Tenderin qalibi “Zeytun Pharmaceuticals” MMC olub və tərəflər arasında 6.794.028,89 AZN-lik müqavilə imzalanıb.

Qeyd edək ki, “Zeytun Pharmaceuticals” MMC cari ildə artıq dördüncü dəfədir ki, qurumun elan etdiyi tenderdə qalib seçilir. 

İlk olaraq, "Zeytun Pharmaceuticals" MMC 21.02.2025 tarixində Mərkəzin, 592.461,83 AZN və 5.579.464,28 AZN dəyərində olan iki fərqli tenderinin qalibi olub.

Daha sonra isə 26.02.2025 tarixində yenidən tərəflər arasında satınalma müqaviləsi imzalanıb: dəyəri isə 731.941,6 AZN.

Daha öncə də xəbər verdiyimiz kimi, ötən il də tərəflər arasında ümumi dəyəri 53 mln. manatdan çox olan 10-dan çox müqavilə imzalanıb. 

Tərəflər arasında ötən ilin müxtəlif vaxtlarında 7.041.121,93 (7 milyon 41 min 121 manat 93 qəp.) AZN, 2.509.479,8 (2 milyon 509 min 479 manat 80 qəp.) AZN, 11.811.210 (11 milyon 811 min 210 manat) AZN, 7.237.654,6 (7 milyon 237 min 654 manat 60 qəp.) AZN, 16.208.345,48 (16 milyon 208 min 345 manat 48 qəp.) AZN, 12.400.370,31 (12 milyon 400 min 370 manat 31 qəp.) AZN, 4.049.541,11 (4 milyon 49 min 541 manat 11 qəp.) AZN və başqa müqavilələr imzalanıb. Bütün müqavilələrlə isə BURADAN tanış ola bilərsiniz.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "Zeytun Pharmaceuticals” MMC 9 oktyabr 2014-cü ildə qeydiyyata alınıb. Nizamnamə kapitalı 4000 AZN olan şirkətin qanuni təmsilçisi Şirəliyev Bəhruz Əvəz oğludur. 

Rəhim