Taleh Kazımov: "Valyuta hərracında 54 milyon dollar satılıb"

"2025-ci ildə keçirilən hər valyuta hərracında orta hesabla 70 milyon ABŞ dolları satışa çıxarılsa da, faktiki satılan məbləğ 54 milyon dollar təşkil edib". 

Valyuta.az xəbər verir ki, bunu Azərbaycan Mərkəzi Bankının (AMB) sədri Taleh Kazımov faiz dəhlizinin parametrlərinə dair keçirilən mətbuat konfransında deyib.

AMB sədri 2026-cı ilin yanvar ayı üzrə rəqəmləri də açıqlayıb:

"Bu dövrdə ümumilikdə 300–350 milyon dollar həcmində valyuta satılıb, halbuki əvvəlcədən hazırlanmış plana əsasən bu rəqəm 700 milyon dollar olmalı idi. Son 3–4 ilin yanvar aylarında valyuta tələbi aşağı səviyyədə qeydə alınıb". 

Qeyd olunur ki, 2026-cı ilin yanvarında vətəndaşlar cəmi 18 milyon dollar həcmində valyuta alıb.