Məşhur kripto-investisiya şirkəti yarım milyard zərər etdi

Kriptovalyuta bazarlarında 2025-ci ilin son rübündə müşahidə olunan enişlər tanınmış kripto-investisiya və tədqiqat şirkəti "Galaxy Digital" şirkətinə də mənfi təsir göstərib.

Şirkətin açıqladığı maliyyə hesabatına əsasən, 2025-ci ilin dördüncü rübü üzrə xalis zərər 482 milyon dollar təşkil edib. Bu göstəricidən sonra Galaxy Digital-in səhmləri bazaröncəsi ticarətdə 6% ucuzlaşıb. Bununla yanaşı, şirkət 2025-ci ili 426 milyon dollar brüt mənfəətlə başa vurub.

Şirkətin rəhbəri Mayk Novoqratzinin sözlərinə görə, ilin sonuna "Galaxy Digital"in balansında 2,6 milyard dollar həcmində nağd vəsait və stabil koinlər mövcud olub. Qeyd olunub ki, bazar enişinə baxmayaraq, treydinq və aktivlərin idarə edilməsi sahələrində artım qeydə alınıb.

Sərvanə Rəmixanova