"SpaceX" süni intellekt startapı ilə 6,3 milyard dollarlıq müqavilə bağladı

İlon Maska məxsus "SpaceX" şirkəti süni intellekt startapı "Reflection AI" ilə 6,3 milyard dollar dəyərində müqavilə bağlanıb.

Valyuta.az xəbər verir ki, müqaviləyə əsasən, "Reflection AI SpaceX"in Memfis yaxınlığında yerləşən "Colossus 2" məlumat mərkəzindəki "Nvidia"nın yeni nəsil GB300 süni intellekt çiplərindən və əlaqəli infrastrukturdan istifadə edəcək.

"CNBC"nin məlumatına görə, "Reflection AI" 2026-cı il iyulun 1-dən etibarən "SpaceX"ə hər ay 150 milyon dollar ödəyəcək. Müqavilənin 2029-cu ilə qədər qüvvədə qalacağı təqdirdə onun ümumi dəyəri təxminən 6,3 milyard dollara çatacaq.

2024-cü ildə keçmiş "Google DeepMind" tədqiqatçıları tərəfindən yaradılan "Reflection AI" açıq mənbəli süni intellekt modellərinin hazırlanması üzərində çalışır. Şirkət "OpenAI" və "Anthropic" kimi qapalı modellər hazırlayan rəqiblərinə alternativ olaraq təqdim olunur.

"Reflection AI" bildirib ki, bu müqavilə açıq mənbəli süni intellekt sahəsində indiyədək elan edilmiş ən böyük infrastruktur razılaşmalarından biridir.

Qeyd edək ki, "SpaceX" daha əvvəl də "Google" və "Anthropic" ilə böyük həcmli hesablama gücü müqavilələri imzalayıb. 

Sərvanə Rəmixanova