"Şopinq" üçün Azərbaycana gələnlərin sayı artıb

2025-ci ildə mağazalara baş çəkmək məqsədilə Azərbaycana səfər etmiş əcnəbilərin və vətəndaşlığı olmayan şəxslərin sayı 3 min 943 nəfər olub.

Valyuta.az xəbər verir ki, 2024-cü ilin eyni dövründə bu göstərici 3 min 295 nəfər təşkil edib. Beləliklə, illik müqayisədə 648 nəfər və ya 19,66% artım qeydə alınıb.

Səfər edən şəxslərin ölkələr üzrə bölgüsünə gəldikdə, ən çox turist Gürcüstandan qeydə alınıb. Hesabat dövründə bu ölkədən 1 443 nəfər Azərbaycana səfər edib.

İkinci sırada Rusiya Federasiyası yer alıb. Rusiyadan turizm məqsədilə gələnlərin sayı 979 nəfər olub.

Sonrakı yerləri Türkiyə 443 nəfər və Qazaxıstan 422 nəfər tutur.

Bundan başqa, Türkmənistandan 340 nəfər, Özbəkistandan 252 nəfər, Belarusdan isə 64 nəfər turizm məqsədilə Azərbaycana səfər edib.

Sərvanə Rəmixanova