Sağalmaz xəstəliklərdən sığorta ödənişləri 3 dəfədən çox artıb

2025-ci ilin yanvar-dekabr aylarında Azərbaycanda sağalmaz xəstəliklərdən sığorta üzrə yığımların həcmi 7 milyon 863 min manat təşkil edib.

Bu göstərici 2024-cü ilin eyni dövrü ilə müqayisədə 1 milyon  10 min manat və ya 14,7% artım deməkdir.

Valyuta.az xəbər verir ki, 2024-cü ilin yanvar-dekabr aylarında sözügedən sığorta növü üzrə yığımlar 6 milyon 853 min manat səviyyəsində olub.

Eyni zamanda, hesabat dövründə sığorta ödənişlərində də ciddi artım qeydə alınıb. 2025-ci ilin 12 ayında sağalmaz xəstəliklərdən sığorta üzrə 1 milyon 515 min manat məbləğində ödəniş həyata keçirilib. Halbuki 2024-cü ilin eyni dövründə bu göstərici cəmi 472 min manat olub.

Nəticədə, sığorta ödənişləri üzrə artım 1 milyon 43 min manat təşkil etməklə, ötən illə müqayisədə təxminən 3,21 dəfə yüksəlib.

Tənzilə Ağabalayeva