İtaliyadan 27 manata alınıb, Türkiyəyə 36 qəpiyə satılıb

2025-ci ilin yanvar-noyabr aylarında Azərbaycana peyvənd edilmiş və edilməmiş qızılgüllərin idxalı həyata keçirilib.

Valyuta.az xəbər verir ki, bu dövrdə ölkəyə ümumilikdə 123,17 min ədəd qızılgül gətirilib və idxalın ümumi dəyəri 437 min ABŞ dolları təşkil edib.

İdxalda əsas pay Niderlandın payına düşüb. Bu ölkədən 102,5 min ədəd qızılgül 34,69 min ABŞ dolları dəyərində idxal olunub. Nəticədə Niderlanddan gətirilən qızılgüllərin bir ədədinin orta qiyməti 0,33 dollar, yəni 57 qəpik olub.

İtaliyadan Azərbaycana 2,34 min ədəd qızılgül 37,99 min ABŞ dolları dəyərində gətirilib. Bu ölkə üzrə bir ədəd qızılgülün qiyməti 16,23 dollar, yəni 27 manat 59 qəpik təşkil edib.

Almaniyadan idxal olunan qızılgüllərin sayı 6,05 min ədəd, dəyəri isə 24,91 min ABŞ dolları olub. Beləliklə, bir ədədinin qiyməti 4,11 dollar, yəni təxminən 7 manat səviyyəsində olub.

Türkiyədən Azərbaycana 11,89 min ədəd qızılgül 18,38 min ABŞ dolları dəyərində idxal edilib. Bu isə bir ədəd qızılgül üçün 1,54 dollar, yəni 2 manat 62 qəpik qiymət deməkdir.

İran İslam Respublikasından Azərbaycana 0,2 min ədəd qızılgül 0,26 min ABŞ dolları dəyərində gətirilib. Bu ölkə üzrə bir ədəd qızılgülün orta idxal qiyməti 1,3 dollar, yəni təxminən 2 manat 21 qəpik olub.

Yunanıstandan idxal olunan 0,18 min ədəd qızılgülün ümumi dəyəri 0,9 min ABŞ dolları olub. Bu ölkə üzrə bir ədəd qızılgülün qiyməti 5 dollar, yəni 8 manat 50 qəpik təşkil edib.

Çilidən isə 0,01 min ədəd qızılgül 0,02 min ABŞ dolları dəyərində idxal olunub. Çilidən gətirilən qızılgüllərin bir ədədinin qiyməti 2 dollar, yəni 3 manat 40 qəpik olub.

Eyni dövrdə Azərbaycan Türkiyəyə 7,6 min ədəd qızılgül ixrac edib. İxracın ümumi dəyəri 6,08 min ABŞ dolları olub. Bu isə ixrac olunan qızılgüllərin bir ədədinin 0,8 dollar, yəni 1 manat 36 qəpiyə satıldığını göstərir.

Sərvanə Rəmixanova