"Nike" şirkəti ağdərili işçilərə qarşı ayrı-seçkilikdə ittiham olunur

ABŞ Federal İşə Qəbulda Bərabər İmkanlar Komissiyası (EEOC) “Nike” şirkətini işçilərə qarşı ayrı-seçkiliklə bağlı şikayətlər səbəbindən yoxlayacağını açıqlayıb. 

Valyuta.az xəbər verir ki, bu barədə komissiyanın rəsmi saytında məlumat verilib.

Komissiyaya ağ işçilərə sistematik “irqçi ayrı-seçkilik”lə bağlı şikayətlər daxil olub. Vəzifə orqanı məhkəmə vasitəsilə “Nike”dən işçilərin irq və etnik mənsubiyyətinin, o cümlədən işdən çıxarılma, vəzifə yüksəlişi və müxtəlif ödənişlərin hesablanması zamanı necə nəzərə alındığını göstərən hesabat təqdim etməsini tələb edib.

Komissiyanın rəhbəri Andrea Lukas bildirib: “Şirkətdə müxtəliflik, bərabərlik və inklüzivliyi təmin etməyə yönəlmiş proqramların federal irqçi ayrı-seçkilik qadağalarını poza biləcəyinə dair inandırıcı sübutlar var”. 

O əlavə edib ki, mütəxəssislər “hərtərəfli istintaq” aparacaqlar.

Paşa Məmmədli