"Replit" 400 milyon dollar investisiya cəlb edib

Süni intellekt dəstəkli proqram inkişaf platforması "Replit" yeni investisiya turunda 400 milyon dollar vəsait cəlb edib.

Valyuta.az xəbər verir ki, bu investisiya nəticəsində şirkətin dəyəri 9 milyard dollara yüksəlib.

Beləliklə, "Replit"in dəyərləndirməsi son 6 ayda üç dəfə artıb. Şirkət ötən ilin sentyabrında keçirilən investisiya turunda 3 milyard dollar dəyərləndirmə ilə təxminən 250 milyon dollar investisiya alıb.

2016-cı ildə qurulan "Replit" istifadəçilərə brauzer üzərindən kod yazmaq və tətbiq hazırlamaq imkanı verir. Şirkət son dövrlər süni intellekt əsaslı proqram inkişaf alətlərinə fokuslanıb.

Sərvanə Rəmixanova