Nazir müavini: "mygov"dan istifadə edən vətəndaşların sayı 2,5 milyona çatıb

Rəqəmsallaşmanın genişləndiyi müasir dövrdə istehlakçı hüquqlarının qorunması yalnız hüquqi məsələlərlə deyil, həm də rəqəmsal infrastrukturun keyfiyyəti ilə bağlıdır. 

Valyuta.az xəbər verir ki, bu fikirləri Ümumdünya İstehlakçı Hüquqlarının Müdafiəsi Günü münasibətilə keçirilən forumda rəqəmsal inkişaf və nəqliyyat nazirinin müavini Samir Məmmədov səsləndirib.

O bildirib ki, elektron ticarətin genişləndiyi və dövlət xidmətlərinin onlayn platformalara köçürüldüyü şəraitdə istehlakçı hüquqlarının qorunması rəqəmsal infrastrukturun keyfiyyəti ilə birbaşa bağlıdır.

Nazir müavini qeyd edib ki, Azərbaycanda bu istiqamətdə aparılan işlər “Azərbaycan Respublikasında rəqəmsal inkişaf konsepsiyası” və 2022- 2028-ci illəri əhatə edən “Rəqəmsal inkişafın sürətləndirilməsi üzrə fəaliyyət planı” ilə müəyyənləşdirilib.

Onun sözlərinə görə, hazırda “mygov” platforması vasitəsilə yüzlərlə rəqəmsal xidmət təqdim olunur. Bu ilin yanvar ayına olan məlumata görə isə platformanın ümumi istifadəçi sayı 2,5 milyona çatıb.

Tənzilə Ağabalayeva