"Nike" NFT dalğasında aldığı şirkəti gizlicə satıb

ABŞ-ın idman geyimi nəhəngi "Nike" kripto və NFT bumunun ən qızğın dövründə satın aldığı RTFKT adlı NFT studiyasını səssiz şəkildə satıb. Şirkət bu barədə rəsmi açıqlama yayımlayıb.

Valyuta.az xəbər verir ki, "Nike" RTFKT-i 2021-ci ildə kripto və NFT yüksəlişi zamanı alıb. Alış və satış məbləği, eləcə də şirkətin kimə satıldığı açıqlanmayıb. Bildirilib ki, satış 16 dekabr 2024-cü il tarixində başa çatıb. "Nike" ötən ilin dekabrında RTFKT-in fəaliyyətinin dayandırıldığını elan edib.

Bir vaxtlar (Nike)ın metaverse (internetin 3D, virtual və interaktiv forması) strategiyasının əsas hissəsi sayılan RTFKT 2022-ci ildən sonra kripto bazarında başlayan ayı dövrü fonunda marağını itirib. Şirkət əsasən metaverse üçün rəqəmsal ayaqqabı və virtual məhsullar hazırlayırdı.

"Nike" qısa açıqlamasında bu addımı “şirkət və icma üçün yeni bir mərhələ” kimi dəyərləndirib.

Sərvanə Rəmixanova