Mobil operatorların gəlirləri açıqlandı

Azərbaycanda 2025-ci ilin yanvar-oktyabr aylarında informasiya və rabitə xidmətlərinin dəyəri real ifadədə 8,5 faiz artaraq, 3 milyard 120,5 milyon manat təşkil edib.

Valyuta.az xəbər verir ki, bu hesabat ötən ilin eyni dövrü ilə müqayisədə 256,9 milyon və ya 8,97% artım deməkdir.

İnformasiya və rabitə sahəsində xidmətlərdən əldə edilən gəlirin 33,7 faizi və ya 1 milyard 52,2 milyon manatı mobil telefon rabitəsi sahəsində formalaşıb.

Məlumata görə, gəlirlərin 71,6 faizi əhali tərəfindən istehlak olunub.

Qeyd edək ki, rabitə xidmətlərinin dəyəri müəssisə və təşkilatlara, eləcə də əhaliyə göstərilən poçt, telefon, internet, televiziya, peyk və digər rabitə xidmətlərindən əldə olunan ümumi gəliri ifadə edir.

Sərvanə Rəmixanova