Naqif Həmzəyev: "Bəzi istilik sistemləri ciddi enerji sərfiyyatına gətirib çıxarır"

Azərbaycanda satılan bəzi istilik sistemləri ciddi enerji sərfiyyatına gətirib çıxarır.

Valyuta.az Report-a istinadən xəbər verir ki, bunu deputat Naqif Həmzəyev Milli Məclisin Təbii ehtiyatlar, energetika və ekologiya komitəsinin bugünkü iclasında - “İstilik təchizatı haqqında” qanun layihəsinin müzakirəsi zamanı bildirib.

“Uzun illər tikinti sektorunda pərakəndəlik olub. Yeni binalarda istilik sistemləri quraşdırılmayıb. Hazırda Azərbaycanda tələblərə cavab verməyən kombi sistemləri satılır. Onlar Almaniya, İran, Çin və digər ölkələrdən gətirilir, amma standartlara cavab vermir. Nəticədə bu ciddi sərfiyyata gətirib çıxarır. İstilik avadanlıqlarına nəzarəti gücləndirilmək lazımdır. Bu məsələləri həll etməliyik”, - o vurğulayıb.