Milyonluq tender udan şirkətin külli miqdarda borcu var

Dövlət Sərhəd Xidmətinin milyonluq tenderləri ilə gündəmə gələn "Master-Ofis" Məhdud Məsuliyyətli Cəmiyyətinin (MMC) külli miqdarda vergi borcu var. 

Valyuta.az "Qaynarinfo"ya istinadən xəbər verir ki, şirkətin Dövlət Vergi Xidmətinin 5 saylı Ərazi Vergilər İdarəsinə 1307352.53 AZN vergi borcu var. 

Qeyd edək ki, nizamnamə kapitalı 50 manat olan "Master-Ofis" MMC-nin qanuni təmsilçisi Bağırov Mirzə Zakir oğludur. Şirkət hazırda passiv vergi ödəyiciləri siyahısına daxil edilib. 

Xatırladaq ki, "Master-Ofis" MMC dəfələrlə Dövlət Sərhəd Xidməti və digər dövlət qrumlarının milyonluq tender layihələrinin qalibi olub.