Azərbaycanda bu bankları xanımlar idarə edib

Azərbaycanda bank sektorunda qadınların rəhbər vəzifələrdə, xüsusilə idarə heyətlərində təmsilçiliyi uzun illərdir ki, məhdud səviyyədədir. Lakin son illərdə bu sahədə müəyyən pozitiv dəyişikliklər müşahidə olunmaqdadır. 

Valyuta.az bankların idarə heyətlərinə təyin olunan qadın rəhbərləri araşdırıb. Yazıda adları qeyd olunan xanımlar müxtəlif dövrlərdə bank rəhbərliyində təmsil olunublar:

Xədicə Həsənova – "Bank Respublika"

Xədicə Həsənova 2006-cı ildə Bank Respublikanın idarə heyətinin sədri təyin olunub və 2017-ci ilə qədər bu vəzifədə çalışıb. O, Azərbaycan Dövlət İqtisad Universitetində “Beynəlxalq İqtisadi Əlaqələr” ixtisası üzrə ali təhsil alıb. Daha sonra isə İsveçrədə yerləşən Menecmentin İnkişafı İnstitutunda (IMD) MBA proqramını başa vurub.

Zəhra Quliyeva – "Zaminbank"

İdarə heyətinə təyin olunmuş qadın rəhbərlərdən biri də fəaliyyətini dayandırmış  “Zaminbank” ASC-də Zəhra Quliyevadır. O, 2008-ci ildə bu vəzifəyə təyin olunub. Z.Quliyeva Azərbaycan Dövlət Neft Akademiyasında “Mühəndis-iqtisadçı” ixtisası üzrə təhsil alıb.

Günel Nəbiyeva – "Azər-Türk Bank"

Bu günlərdə Azər-Türk Bankın idarə heyətinə Günel Nəbiyeva sədr kimi təyin olunub. O, Bakı Dövlət Universitetinin Hüquq fakültəsində bakalavr və magistr dərəcələri üzrə təhsil alıb. G.Nəbiyevanın təyinatı bank sektorunda qadınların rəhbər postlara irəliləməsi baxımından diqqətçəkən hadisə kimi qiymətləndirilir.

Mayya Hüseynova