Bir ildə xaricdən gətirilən geyimlərə 792 milyondan çox xərc çəkilib

Geyim əşyaları və geyim üçün ləvazimatlarına 2025-ci ildə 466 milyon 424,83 min ABŞ dolları (təxminən 792 milyon 922 min 211 manat) vəsait xərclənib.

Valyuta.az xəbər verir ki, 2024-cü ilin eyni dövründə bu göstərici 416 milyon 978,58 min ABŞ dolları olub.

İllik müqayisədə xərclər 49 milyon 446,25 min ABŞ dolları (təxminən 84 milyon 58 min 625 manat) və ya 11,86% artıb.

Bununla yanaşı, ümumi idxalda pay azalıb. Belə ki, 2025-ci ildə geyim idxalının ümumi idxaldakı payı 1,91%, 2024-cü ilin eyni dövründə isə 1,98% olub.

Sərvanə Rəmixanova