"Strategy" bu günədək 63 milyardlıq "Bitcoin" alıb

Maykl Seylorun (Michael Saylor) rəhbərlik etdiyi "Strategy" şirkəti ötən həftə olduğu kimi bu həftə də yeni "Bitcoin" (BTC) alışı həyata keçirməyib.

Valyuta.az xəbər verir ki, şirkət iyunun sonunda açıqladığı "Digital Capital Plan" strategiyasına sadiq qalaraq nağd vəsait ehtiyatını artırmağa davam edir.

Son əməliyyat çərçivəsində 263 milyon dollar dəyərində MSTR səhmlərinin satışı nəticəsində şirkətin ehtiyatlarına 225 milyon dollar əlavə olunub. Bununla da "Strategy"nin nağd vəsait ehtiyatı 3,2 milyard dolları ötüb.

Buna baxmayaraq, şirkət 843 min 775 ədəd "Bitcoin" ilə dünyanın ən böyük korporativ kriptovalyuta xəzinəsinə sahib olmağa davam edir.

Şirkət bu günədək sözügedən "Bitcoin"lərin alınmasına ümumilikdə 63 milyard dollar vəsait xərcləyib.

Sərvanə Rəmixanova