“LMArena” şirkəti 150 milyon dollar investisiya aldı

Süni intellekt modellərinin qiymətləndirilməsi üzrə ixtisaslaşan ABŞ mərkəzli “LMArena” şirkəti A seriyası maliyyələşdirmə raundu çərçivəsində 150 milyon dollar investisiya cəlb edib.

Valyuta.az xəbər verir ki, yeni raunddan sonra şirkətin bazar dəyəri 1,7 milyard dollara yüksəlib.

Maliyyələşdirməyə “Felicis” və “UC Investments” birgə rəhbərlik ediblər.

Qeyd edək ki, 2023-cü ildə qurulan “LMArena” ötən ilin may ayında 100 milyon dollarlıq ilkin investisiya almışdı. Son raundla birlikdə şirkətin indiyədək cəlb etdiyi ümumi sərmayə məbləği 250 milyon dollara çatıb.

Şirkət əldə olunan vəsaitdən süni intellekt modellərinin qiymətləndirilməsi xidmətini genişləndirmək və infrastrukturunu təkmilləşdirmək üçün istifadə edəcəyini açıqlayıb.

“LMArena” Kaliforniya Universitetinin (Berkli) tədqiqatçıları Anastasios Angelopoulos və Vey-Lin Çian tərəfindən təsis edilib. 

Mayya Hüseynova