"Anthropic" 10 milyard dollarlıq investisiya almağa hazırlaşır

Süni intellekt şirkəti "Anthropic" təxminən 350 milyard dollar dəyərləmə ilə 10 milyard dollarlıq yeni investisiya raundu üzrə razılığa gəlib.

Valyuta.az xəbər verir ki, investisiya raunduna Coatue Management və Sinqapurun dövlət sərvət fondu GIC liderlik edəcək. Sövdələşmənin yaxın həftələrdə tamamlanması gözlənilir.

Qeyd edək ki, "Anthropic" cəmi üç ay əvvəl 183 milyard dollar dəyərləmə ilə 13 milyard dollar, bundan əvvəl isə 61,5 milyard dollar dəyərləmə ilə 3,5 milyard dollar investisiya cəlb edib. Yeni raund baş tutarsa, şirkətin dəyərləməsi qısa müddətdə təxminən iki dəfə artmış olacaq.

2021-ci ildə "OpenAI"nın keçmiş tədqiqatçıları tərəfindən yaradılan "Anthropic" "Claude" adlı böyük dil modelləri ilə tanınır və hazırda "Google" və "OpenAI" kimi texnologiya nəhəngləri ilə rəqabət aparır.

Sərvanə Rəmixanova