“Hyundai Motor” səhmləri ilin əvvəlindən 72% artdı

Cənubi Koreya avtomobil nəhəngi “Hyundai Motor”un səhm qiyməti ilin əvvəlindən bəri 72% artıb.

Valyuta.az xəbər verir ki, bu rəqəmlər Cənubi Koreya fond birjasının məlumatlarına əsasəndir.

Bildirilib ki, artım şirkətin yeni “Atlas” humanoid robotlarının gələcəkdə istehsala təqdim edilməsi ilə bağlı gözləntilərlə bağlıdır.

Yanvarın 23-ü ticarət hər səhm üçün 510.000 von səviyyəsində bağlanıb, 30 dekabrda isə səhmin qiyməti 296.500 von olub. 21 yanvarda səhmin qiyməti hər səhm üçün 549.000 von səviyyəsinə çatıb (dekabrın sonundan 85% artım). 22 yanvarda səhmin qiyməti 529.000 von olub (78,4% artım).

Qeyd edək ki, ilin əvvəlindən bəri “Hyundai Motor” səhmləri 78% artaraq şirkətin bazar kapitallaşmasını 108 trilyon von səviyyəsinə çatdırıb və bu, onu bazar kapitallaşması baxımından ölkədə üçüncü ən böyük şirkətə çevirib. “Chosun Ilbo” qəzetində dərc olunmuş məqalədə deyilir ki, “Atlas” robotu CES 2026-da təqdim edildikdən sonra investorlar “fiziki süni intellekt”in gətirəcəyi böyük dəyişikliklərə - xərclərin azaldılmasına və məhsuldarlığın artmasına mərc edirlər. “Hyundai Motor”un bazar kapitallaşması 20 yanvar tarixində tarixində ilk dəfə 100 trilyon vonu keçib.