Gələn ildən telefon və noutbuklar zəifləyəcək

"TrendForce"un yeni proqnozuna görə, yaddaş çiplərinin qiymətləri 2026-cı ilin birinci rübündə kəskin artacaq.

Valyuta.az xəbər verir ki, bu bahalaşma smartfon və noutbuk istehsalçılarını məhsulların qiymətini qaldırmağa və texniki göstəriciləri aşağı salmağa məcbur edəcək.

Hesabata əsasən:

"Apple" daxil olmaqla bütün istehsalçılarda yaddaş komponentinin maya dəyərində payı artır;

"Android" istehsalçıları 2026-cı ildə yeni modellərin qiymətlərini artırmalı olacaq;

Aşağı seqment smartfonlar yenidən 4 GB RAM-a qayıda bilər;

Noutbuk bazarında ikinci rübdən etibarən daha ciddi qiymət dalğalanmaları gözlənilir.

TrendForce bildirir ki, spesifikasiya azaldılması və qiymət artımı 2026-cı ildə istehsalçılar üçün əsas qənaət strategiyasına çevriləcək.

Sərvanə Rəmixanova