Əvvəl yüksəldi, sonra çökdü: Məşhur bankdan gözlənilməz gümüş proqnozu

"J.P. Morgan" qlobal tədqiqatlar bölməsi gümüş bazarına dair güncəl gözləntilərini açıqlayıb. 

Valyuta.az xəbər verir ki, bank gümüş qiymətlərinin gələcək istiqaməti ilə bağlı verdiyi qiymətləndirmədə yeni proqnozun 2025-ci ilin orta qiymətindən iki dəfə yüksək səviyyəyə işarə etdiyini bildirib.

Gümüş qiymətləri 2025-ci il ərzində güclü performans göstərib. İl başında təxminən 29 dollar/unsiya səviyyəsində olan gümüş ilin sonunda 70 dolların üzərinə çıxaraq 130%-dən çox dəyər qazanıb. Bu artımda xüsusilə bərpa olunan enerji yatırımları və sənaye tələbindəki yüksəliş əsas rol oynayıb.

Ekspertlər bildirirlər ki, günəş enerjisi panellərində geniş istifadə olunan gümüşə olan qlobal tələb qiymətləri dəstəkləyir. Bundan əlavə, ABŞ-ın 232-ci Maddə çərçivəsində tətbiq edə biləcəyi gömrük rüsumları ilə bağlı qeyri-müəyyənliklər də bazarda qiymət dalğalanmalarını artırır.

ABŞ-da Kevin Varşın ABŞ Mərkəzi Bankı (FED) rəhbərliyinə namizəd göstərilməsi nəticəsində qiymətli metal bazarında kəskin hərəkətlər müşahidə edilir. Bu hadisədən sonra gümüş qiymətləri 27% azalarkən, qızıl qiymətləri də təxminən 10% düşüb.

Bazar analitikləri vurğulayırlar ki, FED rəhbərliyində baş verə biləcək mümkün siyasət dəyişiklikləri faiz gözləntiləri və dolların hərəkəti üzərindən qiymətli metal qiymətlərinə birbaşa təsir göstərə bilər.

Gümüş qiymətlərinin orta və uzun müddətli istiqamətini sənayedə istifadə artımı və qlobal mərkəzi bankların pul siyasəti müəyyən edəcək. Bərpa olunan enerji yatırımlarının davam etməsi gümüşə olan tələb artımını davam etdirə bilər.

Bununla yanaşı, ABŞ-da faiz siyasətlərinin sərtləşməsi qiymətli metallara təzyiq göstərə bilər, boş pul siyasətləri isə qiymətləri dəstəkləyə bilər.

Paşa Məmmədli