Dövlət büdcəsinin xərcləri bir ay ərzində 7 milyard manatdan çox artıb

2025-ci ilin yanvar-dekabr aylarında Azərbaycanın dövlət büdcəsinin xərcləri 38 milyard 603,6 milyon manat təşkil edib.

Valyuta.az xəbər verir ki, bu, bir ay əvvəllə müqayisədə 7 milyard 188,9 milyon manat və ya 22,88 faiz çoxdur.

2025-ci ilin yanvar-noyabr aylarında dövlət büdcəsinin xərcləri 31 milyard 414,7 milyon manat olub.

Büdcə xərcləri 2024-cü ilin eyni dövrü ilə müqayisədə isə 2,36 faiz və ya 890,9 milyon manat artıb.

Qeyd edək ki, 2024-cü ilin yanvar-dekabr aylarında büdcə xərcləri 37 milyard 712,7 milyon manat təşkil edib.

Tənzilə Ağabalayeva