"Region və paytaxt arasında maaş fərqinin səbəbi var"

Eyni diplom, eyni vəzifə, eyni iş saatı, amma fərqli şəhər və fərqli maaş. Eyni universiteti bitirmiş, eyni təcrübəyə malik iki mütəxəssisdən biri Bakıda, digəri regionda çalışır və ayın sonunda aldıqları əməkhaqqı arasında ciddi fərq yaranır. 

Bəs bu fərq nədən qaynaqlanır?

İqtisadçı Xalid Kərimli Valyuta.az-a bildirir ki, bu, əsasən tələbatla bağlıdır:

“Bakıda işçi qüvvəsinə tələbat regionlarla müqayisədə daha yüksəkdir. İş yerlərinin sayı da paytaxtda daha çoxdur. Əmək bazarında tələb yüksək olduğuna görə, iş yerlərinin sayı az və ya çox olmasından asılı olmayaraq, eyni ixtisasa Bakıda daha çox ehtiyac yaranır və həmin ixtisas bazarda daha yüksək qiymətləndirilir. Məsələ məhz iş yerlərinə tələbatın Bakıda nisbətən yüksək olması ilə əlaqədardır. Ümumilikdə isə hazırkı vəziyyətdə ölkənin məşğulluq bazarında iş axtaranların sayı çox, mövcud iş yerlərinin sayı isə azdır”.

Tənzilə Ağabalayeva